Прыехала Каляда ў вазочку,
Ды на сівенькім канёчку.
Прыехала Каляда ўвечары,
Прывезла дудак рэшата.
24 снежня 2020 г., у адзіны дзень беларускага маўлення, вучні 6 “Д” класа далучыліся да інтэлектуальнай гульні “Эх, Калядачкі!” У час правядзення мерапрыемства вучні папоўнілі веды аб традыцыях святкавання Каляд. Больш даведаліся і пра тое, што ў народзе захавалася мноства сінаптычных назіранняў, звязаных з Калядкамі.
Згодна з народнымі прыкметамі, лічылася, калі на Каляды цёплае надвор’е, то варта чакаць халоднай вясны і наадварот.
“А калі 7 студзеня будзе ісці снег — то год будзе добры”.
У народзе ведалі, што з Каляднай куцці — з 6 студзеня сонца — паварочвае на лета, а зіма ідзе на мароз.
Калі ў калядную ноч падымаецца моцная завіруха, можна чакаць раннюю вясну. А калі на калядныя святы ідзе моцны снег, то будзе цёплая вясна.